மன உளைச்சல் vs மன அழுத்தம் – வித்தியாசம் அறிவோமா?

உலகம் முன் எப்போதையும்விட, அதிக அழுத்தத்தில் உள்ளது. 7 நாடுகளில் சுமார் 70% மக்கள் மன உளைச்சலால் பாதிக்கப்பட்டுள்ளனர்.சர்வதேச அளவில் 10 பேரில் 4 பேர்க் கவலை (42 சதவீதம்) மற்றும் மன அழுத்தம் (41 சதவீதம்) உள்ளிட்ட நிகழ்வுகளால் பாதிக்கப்பட்டு உள்ளதாக ஆய்வுமுடிவுகள் தெரிவிக்கின்றன.

இந்த அதிகப் பாதிப்பு சதவீதம் மன அழுத்தம் மற்றும் மன உளைச்சலை அடையாளம் காணவும், புரிந்துகொள்ளவும் அவசியமாக்குகிறது.இந்தப் புரிதல் நிகழ்வானது, மனநலம் சார்ந்த கவலைகளினால் ஏற்படும் இழப்புகளைத் தவிர்க்கப் பேருதவி புரிகிறது. மன உளைச்சல் மற்றும் மன அழுத்தம் இடையேயான வேறுபாடு, காரணங்கள், பாதிப்பை நிவர்த்தி செய்வதற்கான வழிமுறைகள் குறித்து விரிவாகக் காண்போம்.

மன அழுத்தம்

மன அழுத்த பாதிப்பு என்பது அறிமுகமில்லாத அசௌகரியத்தை ஏற்படுத்தவல்லது ஆகும். அதிக அளவிலான கவனம் தேவைப்படும் நிகழ்வுகளில், நம் உடல் வெளிப்படுத்தும் உணர்வுப்பூர்வமான நடவடிக்கையாக, மன அழுத்த நிகழ்வு விளங்குகிறது. அதிகப் பணிச்சுமை, குறுகிய காலக்கெடுவுக்குள் முடித்தல், சக ஊழியர்கள் அல்லது அதிகாரிகளுடன் மோதல் போக்கு உள்ளிட்டவை, பணியிடங்களில் மன அழுத்த பாதிப்பினை ஏற்படுத்துகின்றன. சோர்வு, எரிச்சல், கவனம் செலுத்துவதில் சிரமம், தலைவலி உணர்வு, போதிய அளவிலான உறக்கம் இல்லாத நிலை உள்ளிட்டவைக் கடுமையான மன அழுத்த பாதிப்பின் பொதுவான அறிகுறிகள் ஆகும்.

மன அழுத்த பாதிப்பானது, பெரும்பாலும் எதிர்மறை உணர்ச்சியாகக் கருதப்படுகிறது. இந்த உணர்வானது, நம்மைக் கவலையாகவும், சோர்வாகவும் உணர வைக்கிறது. இது ஆற்றல் மட்டங்களைக் குறைக்கிறது.

மன உளைச்சல் என்றால் என்ன?

மன உளைச்சல் நிகழ்வானது, நம்பிக்கையற்ற சூழலை உருவாக்குகிறது. மன உளைச்சல் என்பது ஆற்றல் குறைவு உணர்வு ஆகும். உங்கள் வேலையைப் பற்றிய எதிர்மறை உணர்வு, எந்தவொரு சூழ்நிலையிலும் தெளிவின்மை உள்ளிட்டவைகளால் வகைப்படுத்தப்படுகிறது. வெற்றிகரமாக நிர்வகிக்கப்படாத நாள்பட்ட பணியிட மன அழுத்தத்தின் விளைவாக ஏற்படும் நோய்ப்பாதிப்பாக வரையறுக்கப்படுகிறது.

அதிகப்படியான பணிச்சுமை, நியாயமற்ற தன்மை, பொருத்தமில்லாத மதிப்புகள் உள்ளிட்டவைகளால் மன உளைச்சல் பாதிப்பானது ஏற்படுகிறது. மன உளைச்சல் நிகழ்வானது, மன அழுத்த பாதிப்பிற்கு அப்பாற்பட்டது. மன அழுத்தம் நிலையானதாக இருக்கும்போது, அது நிறைவாக மன உளைச்சலுக்கு உள்ளாக்குகிறது.

மன உளைச்சல் மற்றும் மன அழுத்தம் இடையேயான ஒற்றுமைகள்

மன உளைச்சல் மற்றும் மன அழுத்தம் இடையே பல ஒற்றுமைகள் உள்ளன. சோர்வு, எரிச்சல், உந்துதல் குறைவு, பலவீனமான அறிவாற்றல் நிகழ்வுக்கு வழிவகுப்பதாக உள்ளன.

மன உளைச்சல் மற்றும் மன அழுத்தத்தின் பொதுவான மனம் மற்றும் உடல் அறிகுறிகள்

தலைவலி உணர்வு

உறக்க முறைகளில் மாற்றங்கள்

உடல் வலிகள்

சோர்வு

சீராக இதயத்துடிப்பு

மலச்சிக்கல் அல்லது வயிற்றுப்போக்கு

தசைப் பதட்டம்

பலவீனமான நோய் எதிர்ப்பு அமைப்பு

கவலை உணர்வு

மன இறுக்கம்

எரிச்சல்

கவனம் செலுத்துவதில் சிரமம்

மறதி உணர்வு

மன உளைச்சல் மற்றும் மன அழுத்தத்திற்கு இடையேயான வேற்றுமைகள்

அதிகப் பணிச்சுமை உள்ளிட்ட மன அழுத்தங்கள் சேரும்போது, கடும் உணர்ச்சி சுமையை உணரலாம்.இது அறிவாற்றலையும் பாதிக்கக்கூடும்.சில நேரங்களில் உங்கள் வேலையின் நோக்கம் மற்றும் நெறிமுறைகளைக் கேள்விக்குள்ளாக்கலாம். இதன்மூலம், ஒவ்வொரு நாளும் சவாலான நிகழ்வாக மாறுகிறது. இது உணர்ச்சிரீதியாக மழுங்கடிக்கப்படுவதால், நீங்கள் நம்பிக்கையற்றவராக மாறுகிறீர்கள். மன அழுத்த சூழ்நிலையில், மாற்றம் தெரிந்தாலும் உணர்ச்சிகள் பாதிப்பதில்லை.இங்கே மன உளைச்சலை அனுபவிக்கிறீர்கள்.

நீங்கள் மன அழுத்தத்தில் இருக்கும்போது

கூடுதல் முயற்சியில் ஈடுபட வேண்டும்

உணர்வுகளை, இன்னும் வலுவாக உணருவீர்கள்

பதட்டமாக உணர்வீர்கள்

உடல்ரீதியாகச் சோர்வாகவும், ஆற்றல் குறைவாகவும் உணர்வீர்கள்

நீங்கள் மன உளைச்சலுக்கு உள்ளாகி இருந்தால்

உணர்வுரீதியாக மழுங்கடிக்கப்படுவீர்கள்

நீங்கள் நம்பிக்கையற்றவராக உணர்வீர்கள்

உங்களுக்குச் செயல்களை மேற்கொள்வதற்கான எவ்வித உந்துதலும் இருப்பதில்லை.

மேலும் வாசிக்க : PTSD பாதிப்பிற்கு யாரிடம் உதவியைப் பெறுவது?

மன உளைச்சல் மற்றும் மன அழுத்த பாதிப்பு ஏற்படுவதற்கான காரணங்கள்

பணியிடங்களில் மன அழுத்தமானது, பல்வேறு காரணங்களால் ஏற்படலாம். அதிகமான பணிச்சுமை, சலிப்பான வேலைகள், நெகிழ்வுத்தன்மை அற்றநிலை உள்ளிட்டவை, பணியிடங்களில் மன அழுத்த பாதிப்பு ஏற்படுவதற்கான முக்கியமான காரணங்கள் ஆகும்.

இந்த மன அழுத்த பாதிப்புகளுக்கான நிகழ்வுகள் தொகுக்கப்படும்போது, மன உளைச்சலானது ஏற்படுகிறது. உதாரணமாக, ஒரு ஊழியர் வெவ்வேறு காலக்கெடுகளில் பணிச்சூழலில் ஏற்படும் அழுத்தம் காரணமாக மன அழுத்தத்திற்கு ஆளாகிறார். அதிகப்படியான பணிச்சுமையையும் பொருட்படுத்தாமல் நிறுவனத்தின் எதிர்பார்ப்புகளை நிறைவேற்ற, ஊழியர்க் கூடுதல் முயற்சி செய்கிறார். ஆனால் குறிப்பிட்ட காலக்கெடுவுக்குள் பணிகளை வெற்றிகரமாக முடித்தாலும், நிறுவனத்தின் எதிர்பார்ப்பைப் பூர்த்தி செய்ய இயலாத நிலை ஏற்படுகிறது. இது அவரின் மன ஆரோக்கியம் மற்றும் பணி-வாழ்க்கைச் சமநிலையை வெகுவாகப் பாதிக்கிறது. உரிய அங்கீகாரம் கிடைக்காததால், புது முயற்சிகளில் ஈடுபடுவதற்கான உந்துதல் குறைகிறது. இதனால் எதிர்காலத்தில் திறம்பட செயல்பட முடியாத நிலை ஏற்படுகிறது.

சரியான அளவிலான தகவல்தொடர்பு இல்லாத சூழல், சாத்தியமற்ற எதிர்பார்ப்புகள், நிர்வாகத்தின் ஆதரவு இல்லாததன் காரணமாக, ஊழியர்க் கடும்சோர்வைச் சந்திக்கும் சூழல் உருவாகிறது.

பணியிடத்தில் தோன்றும் மன உளைச்சல் மற்றும் மன அழுத்தத்தை நீக்கும் வழிமுறைகள்

பணியிடங்களில் ஊழியர்களுக்கு ஏற்படும் மன அழுத்தம் மற்றும் சோர்வைப் போக்கி உற்பத்தியை மேம்படுத்தும் வகையிலான அணுகுமுறையானது, பல்வேறு காரணிகளைப் பொறுத்து அமைகிறது. மன அழுத்த சூழ்நிலைகளைச் சமாளிக்கும் பொருட்டு, சுயப் பாதுகாப்பிற்கு முன்னுரிமை அளிக்கலாம். பணிச்சூழல் – வாழ்க்கைச் சமநிலையைப் பேணிக்காப்பதன் மூலம், சோர்வு நிகழ்வில் இருந்து அவர்கள் விடுபட இயலும்.

பணியிடங்களில் ஊழியர்களை மன அழுத்தம் மற்றும் மன உளைச்சல் பாதிப்பு ஏற்படுத்தும் காரணிகளில் இருந்து விடுபடச் செய்து அவர்கள் நிறைவான வாழ்க்கை வாழ வழிவகுத்து, நிறுவனத்தின் உற்பத்தித்திறனை உயர்த்துவோமாக…