40 வயதைக் கடந்தவரா – இந்தச் செய்தி உங்களுக்குத்தான்!

சிறந்த உடல்நல ஆரோக்கியத்தைப் பேணிக்காப்பதன் மூலம், வாழ்க்கையில் நாம் எதிர்பார்த்த அனைத்தையும், அது பணி தொடர்பானதாகவோ, குடும்ப நிகழ்வுகளோ அல்லது மற்ற உயர்ப் பொறுப்புகள் என எதுவாயினும் அதை இலகுவாக அடைய இயலும். இதன்மூலம், நிறைவான வாழ்க்கை, அனைவருக்கும் சாத்தியம் ஆகும்.

பெரும்பாலான ஆண்கள், தங்களின் சொந்த நலன் குறித்து எப்போதும் கவலைப்படாதவர்களாகவே உள்ளனர். உடல்நலப் பாதிப்புகளை, அதன் ஆரம்ப நிலையிலேயே கண்டறிய, மருத்துவப் பரிசோதனைகள் பேருதவி புரிகின்றன. இந்தச் சோதனைகள், சரியான சிகிச்சைகளை உரிய நேரத்தில் மேற்கொள்ளவும் உதவுகின்றன. இந்தக் கட்டுரையில், ஒவ்வொரு ஆண்மகனும் தவறாமல் மேற்கொள்ள வேண்டிய முக்கியமான மருத்துவப் பரிசோதனைகள் குறித்து விளக்கமாக, விவரிக்கப்பட்டு உள்ளது.

ஆண்களின் உடல்நலம் குறித்து அறிந்துகொள்வோமா?

தனித்துவமான மருத்துவ சவால்கள்

ஆண்களுக்கு வயதாகும்போது அவர்களின் உடலில் நிகழும் உயிரியல் வாழ்க்கைமுறைக் காரணிகளாக, உடல்நலம் பாதிக்கப்படுகிறது. இதன்காரணமாக, ஹார்மோன் மாற்றங்கள் குறிப்பாக டெஸ்டோஸ்டிரான் உற்பத்தியில் சரிவு, தசைகளின் வலிமைக் குறைதல், உடலின் ஆற்றல் மட்டம் சரிவடைதல், மனநிலை மாற்றங்கள் உள்ளிட்ட பாதிப்புகள் ஏற்படுகின்றன. இதனால், அவர்கள் இதய நோய்ப் பாதிப்பிற்கு உள்ளாகும் வாய்ப்புகள் மிக அதிகமாக உள்ளன. ஆண்கள், இந்த உடல்நலம் சார்ந்த சவால்களை முன்கூட்டியே அறிந்து கொள்வதன் மூலம், உடல் நல ஆரோக்கியம் சார்ந்த தெளிவார்ந்த முடிவுகளை, அவர்களால் எடுக்க முடிகிறது.

ஸ்டீரியோடைப்களை உடைத்தல்

ஆண்களின் உடல்நல ஆரோக்கியத்தை மேம்படுத்துவதற்கும், அவர்களின் ஸ்டீரியோடைப்களில் உள்ள சவால்களை எதிர்கொள்வதற்கும், மனந்திறந்த உரையாடல் என்பது அவசியமாக உள்ளது. இந்த உரையாடல்களின் மூலம், உடல்நலம் சார்ந்த தகவல்களைப் பகிர்ந்து கொள்ளலாம், மருத்துவ வழிகாட்டுதல்களைப் பெறலாம். ஆண்கள் தங்கள் நல்வாழ்வுக்கு முன்னுரிமை அளிப்பதன் மூலம், மற்றவர்களும் இதைச்செய்ய ஊக்குவிக்க இயலும்.

வழக்கமான மருத்துவப் பரிசோதனைகளின் முக்கியத்துவம்

தடுப்பு அணுகுமுறைகள்

பாதிப்பின் தீவிரம் அதிகரித்த பிறகு, சிகிச்சையை நாடுவதைவிட, தடுப்பு நடவடிக்கைகளை விரைந்து மேற்கொள்வதே புத்திசாலித்தனம் ஆகும். மருத்துவப் பரிசோதனைகள் மூலம் நோய்களை முன்கூட்டியே கண்டறியலாம். இது நோயின் தீவிரத்தைத் தடுக்க உதவும். மருத்துவ நிபுணர்கள், இந்த மருத்துவப் பரிசோதனைகளின் போது, ரத்த அழுத்தம், கொழுப்பின் அளவு, BMI எனப்படும் உடல் நிறைக் குறியீட்டு எண் உள்ளிட்டவற்றை அளவிடுகின்றனர்.

தனிப்பயனாக்கப்பட்ட சுகாதார அளவீடுகள்

ஆண்களுக்கு வயது அதிகரிக்க, அதிகரிக்க அவர்களின் மருத்துவம் சார்ந்த தேவைகளும் தனிப்பயனாக்கம் அடைகின்றன. இந்தத் தனிப்பயனாக்கப்பட்ட மருத்துவ தேவைகளில், ஆண்களின் மருத்துவ வரலாறு, குடும்ப வரலாறு மற்றும் வாழ்க்கைமுறைத் தேர்வுகள் உள்ளிட்டவை முக்கியப்பங்கு வகிக்கின்றன. ஆண்கள் வழக்கமாக மேற்கொள்ளும் உடல்நலம் சார்ந்த மருத்துவப் பரிசோதனைகள், மருத்துவ சேவை வழங்குநர்களுக்கு, அவர்களின் பரிந்துரைகளை, தனிப்பயனாக்கும் வாய்ப்பை வழங்குகின்றன. இதன்மூலம், ஒவ்வொரு ஆணும், அவருக்குத் தேவையான கவனிப்பைப் பெறுவதை உறுதி செய்கிறது.

40 வயதைக் கடந்த ஆண்கள் தவறாமல் மேற்கொள்ள வேண்டிய மருத்துவப் பரிசோதனைகள்

விரிவான உடல் பரிசோதனை

விரிவான உடல் பரிசோதனை நிகழ்வானது, ஆண்களின் உடல் ஆரோக்கிய மதிப்பீடுகளின் அடிப்படையாக விளங்குகிறது. இது ரத்த அழுத்தம், கொழுப்பின் அளவு, BMI உள்ளிட்ட அளவீடுகளைக் கண்டறியும் பொருட்டு, இந்தப் பரிசோதனைகள் மேற்கொள்ளப்படுகின்றன. இந்த அளவீடுகள், இதய ஆரோக்கியம், நாள்பட்ட நோய்ப்பாதிப்புகளுக்கான ஆபத்துக் காரணிகள் மற்றும் ஒட்டுமொத்த உடல் ஆரோக்கியம் உள்ளிட்ட நுண்ணறிவுகளை வழங்குகின்றன.

இதய நாளங்கள் தொடர்பான சுகாதார மதிப்பீடு

இதய நோய்ப்பாதிப்பானது, ஆண்களுக்கு அதிகளவில் வருவதால், அவர்கள் வழக்கமான இதய நாளங்கள் தொடர்பான சுகாதார மதிப்பீட்டுச் சோதனையை அவ்வப்போது செய்துகொள்வது நல்லது. இந்த இதய நாளங்கள் தொடர்பான சுகாதார மதிப்பீடு பரிசோதனையில் எலெக்ட்ரோகார்டியோகிராம் (ECG), மன அழுத்த சோதனைகள், லிப்பிட் பேனல் சோதனைகள் உள்ளிட்டவை இடம்பெறுகின்றன. இந்த மதிப்பீடுகள் இதயத்தின் செயல்பாட்டை ஆய்வு செய்து, ஆரம்ப நிலையிலேயே அசாதாரண மாற்றங்களைக் கண்டறிந்து இதய நோய் அபாயங்களைக் குறைக்க உதவுகிறது.

புரோஸ்டேட் சுரப்பியில் ஏற்படும் பாதிப்பைக் கண்டறியும் சோதனை

ஆண்களுக்கு வயது அதிகரிக்க, அதிகரிக்கப் புராஸ்டேட் சுரப்பியின் மீதும் கவனம் செலுத்துவது அவசியம் ஆகும்.Prostate-specific antigen (PSA) மற்றும் டிஜிட்டல் முறையிலான மலக்குடல் சோதனைகள், புராஸ்டேட் சுரப்பிப் பகுதியில் ஏற்படும் புற்றுநோய் அல்லது அசாதாரண நிலைகள் குறித்து அதன் துவக்க நிலையிலேயே கண்டறிய உதவுகிறது.

நீரிழிவுப் பரிசோதனை

நீரிழிவு என்பது இரத்த சர்க்கரை அளவைச் சீர்குலைக்கும் ஒரு மருத்துவ நிலை ஆகும். இதை உகந்த முறையில் சரியாக நிர்வகிக்கப்படாவிட்டால் கடுமையான உடல்நல விளைவுகளை ஏற்படுத்தும் அபாயம் உள்ளது. 40 வயதிற்கு மேற்பட்ட ஆண்கள், வழக்கமான நீரிழிவுப் பரிசோதனைகளை மேற்கொள்வது அவசியம். எதுவும் சாப்பிடாமல் இருக்கும்போது, ரத்தத்தில் சரக்கரையின் அளவு மற்றும் ஹீமோகுளோபின் A1C (HbA1C) அளவீடுகள் போன்ற சோதனைகள், ரத்தத்தில் சர்க்கரைக் கட்டுப்பாடு பற்றிய மதிப்புமிக்கத் தகவல்களை வழங்குகின்றன.

எலும்புகளின் அடர்த்தியைக் கண்டறிய உதவும் பரிசோதனை

ஆண்களுக்கு மட்டுமல்லாது, அனைவருக்கும் வயதாகும்போது எலும்புகளின் ஆரோக்கியம் குறைந்து ஆஸ்டியோபோரோசிஸ் உள்ளிட்ட பாதிப்புகளை ஏற்படுத்துகின்றன. உடல் எலும்புகளின் அடர்த்தி மற்றும் வலிமையை மதிப்பிட, உகந்த சோதனையாக, எலும்பு அடர்த்தி சோதனையாக விளங்குகிறது. இதன்மூலம், எலும்பு மண்டலத்தில் நிகழும் அசாதாரண மாற்றங்களை, அதன் துவக்க நிலையிலேயே கண்டறிய, இந்தச் சோதனை உதவுகிறது. எலும்பு மண்டலத்தின் ஆரோக்கியத்தை மேம்படுத்துவதற்கும், எலும்பு முறிவுகளின் அபாயங்களைக் குறைப்பதற்கும் உதவுகிறது. இது எலும்புகளை வலுப்படுத்தும் பயிற்சிகளை இணைப்பதற்கும், நாம் எடுத்துக்கொள்ளும் உணவு வகைகளில் கால்சியம் கிடைப்பதை உறுதி செய்கிறது. வைட்டமின் D குறைபாட்டைச் சரிசெய்ய, அதற்குரிய சப்ளிமெண்ட்ஸ்களை, உணவுமுறையில் சேர்த்துக் கொள்வது நல்லது.

மனநல சுகாதார மதிப்பீடு

ஆண்களின் உடல்நல ஆரோக்கியத்தில், மனநலம் சார்ந்த காரணி முக்கியப்பங்கு வகிக்கிறது. பெரும்பாலான ஆண்கள், மனநலம் சார்ந்த விஷயங்களில், போதிய கவனம் செலுத்துவதில்லை. ஆண்களுக்கு வயது அதிகரிக்க, அதிகரிக்க மன அழுத்தம், பதட்டம், மனச்சோர்வு உள்ளிட்ட பாதிப்புகள் ஏற்படுகின்றன. உணர்ச்சி நிலை, சமாளிக்கும் உத்திகள், தேவையான மருத்துவத் தலையீடுகள் உள்ளிட்டவைகள் அடங்கிய வழக்கமான மனநலப் பரிசோதனைகள், மனநல நிபுணரிடம் கலந்துரையாடுவதையும் உள்ளடக்கியதாக உள்ளது.

சிறுநீரகப் புற்றுநோய்ப் பரிசோதனை

சிறுநீரகம் மற்றும் சிறுநீர்ப்பைப் பகுதிகளில் ஏற்படும் புற்றுநோய்ப் பாதிப்புகள், எவ்வித அறிகுறிகளையும் பொதுவாகக் கொண்டு இருப்பதில்லை. அதுதொடர்பான வழக்கமான சோதனைகளின்போது, சிக்கல்கள் அடையாளம் காணப்படும்பட்சத்தில், நாம் அதற்குரிய சிகிச்சைமுறைகளைத் துவங்க வேண்டும்.

கல்லீரல் சுகாதார மதிப்பீடு

வயது அதிகரிக்க, அதிகரிக்க, கல்லீரல் உறுப்பின் செயல்பாடு, படிப்படியாகக் குறையத் துவங்குகிறது. கல்லீரல் உறுப்பின் செயல்படும் விதத்தைக் கண்டறிய உதவும் சோதனைகள், இமேஜிங் சோதனைகள் மற்றும் மஞ்சள்காமாலைப் பாதிப்பைக் கண்டறிய உதவும் ஹெபடைடிஸ் சோதனைகள் உள்ளிட்டவை, கல்லீரலில் ஏற்படும் நோய்ப்பாதிப்புகளை, அவற்றின் ஆரம்ப நிலைகளிலேயே கண்டறிய உதவுகின்றன.

இரைப்பை, குடல் தொடர்பான பரிசோதனைகள்

பெருங்குடல் பகுதியில் ஏற்படும் புண்கள் மற்றும் புற்றுநோய் உள்ளிட்ட பாதிப்புகள், வயதுவாரியாக மாறுபடுகின்றன. கொலோனோஸ்கோபி, எண்டோஸ்கோபி உள்ளிட்ட பரிசோதனைகளின் மூலம், பாதிப்புகளை, அதன் ஆரம்ப நிலையிலேயே கண்டறிய இயலும்.

மேலும் வாசிக்க : பெண்கள் மேற்கொள்ள வேண்டிய மருத்துவச் சோதனைகள்

ஆண்களுக்கான உடல் ஆரோக்கியக் குறிப்புகள்

உடற்பயிற்சி செய்வதை வழக்கமாக்கிக் கொள்ளுங்கள்

உடல் ஆரோக்கியத்தை மேம்படுத்த, உடற்பயிற்சி மேற்கொள்வதை, தினசரி வழக்கமாக மேற்கொள்ள வேண்டும். உடற்பயிற்சிப் பழக்கத்தைத் தினமும் தவறாமல் மேற்கொள்ளும் 40 வயதிற்குட்பட்ட ஆண்களுக்கு, தசை வலிமை அதிகரிக்கிறது, உடல் எடையைக் கட்டுப்படுத்துதலில் முக்கியப்பங்கு வகிக்கிறது, உடலின் ஆற்றல் அளவை அதிகரிக்கிறது. வழக்கமாக மேற்கொள்ளும் உடற்பயிற்சி உடன், இதய நலன் சார்ந்த பயிற்சிகள், உடலின் வலிமையை அதிகரிக்கும் பயிற்சிகள், உடலின் நெகிழ்வுத்தன்மையை மேம்படுத்தும் பயிற்சிகளையும் இணைத்துக் கொள்வது நல்லது.

சீரான, சத்தான உணவுமுறை

காய்கறிகள், பழ வகைகள், முழுத் தானியங்கள், மெலிந்த புரதங்கள் உள்ளிட்டவைகளை உள்ளடக்கிய சீரான மற்றும் சத்தான உணவுமுறை, ஆரோக்கியமான நல்வாழ்வுக்கு அடித்தளமிடும் வகையில் உள்ளது.

உடலின் நீரேற்றத்தைப் பராமரிக்கவும்

தினமும் போதுமான அளவு தண்ணீர்க் குடிப்பதன் மூலம், உடலின் நீரேற்ற அளவு பராமரிக்கப்படுகிறது. இது செரிமானம், உடலின் வெப்பநிலை உள்ளிட்டவற்றைக் கட்டுப்படுத்துகிறது.

உறக்கத்திற்குப் போதிய முக்கியத்துவம் அளிக்கவும்

உடல் ஆரோக்கியம் மற்றும் மன ஆரோக்கியத்திற்கு, தரமான உறக்கத்தின் பங்கு அளப்பரியது ஆகும். நிலையான உறக்க அட்டவணையை உருவாக்க வேண்டும். அமைதியான உறக்கச் சூழலை உருவாக்க வேண்டும் உள்ளிட்டவை, தரமான உறக்கத்தைப் பெறும் வழிமுறைகளாக உள்ளன.

மது மற்றும் புகைப்பழக்கத்தைக் கைவிடுதல்

உடல்நலத்திற்குப் பெரும் அச்சுறுத்தலாக, மதுப்பழக்கம் மற்றும் புகைப்பழக்கம் உள்ளன. உடல்நல ஆரோக்கியத்தை மேம்படுத்த, மதுப்பழக்கத்தைக் கட்டுப்படுத்துதல், புகைப்பழக்கத்தைக் கைவிடுதல் உள்ளிட்ட நடவடிக்கைகளைப் பின்பற்ற வேண்டும்.

மேற்குறிப்பிட்ட மருத்துவப் பரிசோதனைகள் மற்றும் உதவிக் குறிப்புகளைக் கவனமாகப் பின்பற்றி, பல்வேறு உடல்நலப் பாதிப்புகளில் இருந்து முழுமையான நலம் பெற்று, ஆரோக்கியமான மற்றும் வளமான நல்வாழ்க்கை வாழ்வோமாக..