ஹைபர்டென்சன் பாதிப்பிற்கு உப்பு தான் காரணமா?

உலகச் சுகாதார அமைப்பு (WHO) நாளொன்றுக்கு 5 கிராம் உப்பு மட்டுமே உட்கொள்ளப் பரிந்துரைத்துள்ளது. ஆனால் இந்தியர்கள் சராசரியாக 8 கிராம் உப்பு உட்கொள்கின்றனர். இதில் ஆண்கள் நாள் ஒன்றுக்கு 8.9 கிராம் உப்பையும், பெண்கள் தினசரி 7.1 கிராம் அளவிற்கு உப்பையும் எடுத்துக் கொள்வதாகத் தெரிவிக்கப்பட்டு உள்ளது.

உணவில் அதிக உப்பு சேர்த்துக்கொள்ளும்போது அது உடலில் ரத்த அழுத்த அளவுகளில் மாறுபாட்டை ஏற்படுத்தி, உடல்நலப் பாதிப்புகளை உண்டாக்கி, உடல் ஆரோக்கியச் சீர்கேட்டிற்கு வழிவகுக்கிறது.

இந்திய உணவுமுறைக்கும், உப்பு உட்கொள்ளலுக்கும் உள்ள தொடர்பு என்ன?

இந்திய உணவுகள் அதிக உப்பு மற்றும் மசாலாப் பொருட்கள் சேர்ப்பதால் மிகவும் சுவையாக இருக்கின்றன. இந்திய சமையல் முறையானது, அதிக உப்பு உட்கொள்ளலுக்கு வழிவகுப்பதாக உள்ளது. ஊறுகாய், அப்பளம் போன்ற பதப்படுத்தப்பட்ட உணவு வகைகளிலும், ஹோட்டல்களில் விற்பனைச் செய்யப்படும் உணவு வகைகளிலும் உப்பு அதிகளவில் உள்ளது. இந்த அதிக அளவிலான உப்பு நுகர்வானது, ஹைபர்டென்சன் எனப்படும் உயர் ரத்த அழுத்த பாதிப்பை ஏற்படுத்தும் வாய்ப்புகள் அதிகம் உள்ளன.

அதிக உப்பு நுகர்வு, ஹைபர்டென்சனை எவ்வாறு தோற்றுவிக்கிறது?

அதிகப்படியான உப்பு நுகர்வானது, இதய ஆரோக்கியத்தைக் கணிசமாகப் பாதிக்கிறது. ஹைபர்டென்சன் எனப்படும் உயர் ரத்த அழுத்தத்திற்குக் காரணமான அதீத உப்பு பயன்படுத்தல் நிகழ்வானது குறுகிய மற்றும் நீண்ட கால விளைவுகளுக்குக் காரணமாக அமைகிறது.

குறுகிய கால விளைவுகள்

இரத்தத்தின் அளவில் கட்டுப்பாடு

நாம் உணவில் அதிக உப்பைச் சேர்த்துக் கொள்வதன்மூலம், உடலில் அதிக நீர்த் தக்கவைப்புக்கு வழிவகுக்கிறது. இதன்காரணமாக, ரத்தத்தின் அளவு அதிகரிக்கிறது. இதன்விளைவாக, ரத்த அழுத்தம் உயர்கிறது. இந்த உயர்வானது, ரத்த நாளங்கள் மற்றும் இதயத்திற்குக் கூடுதல் சுமையை ஏற்படுத்துகின்றன.

இரத்த அழுத்தம் அதிகரிப்பு

உப்பு அதிகம் கொண்ட உணவைச் சாப்பிட்ட சில மணிநேரத்திலேயே, உடலின் ரத்த அழுத்தம் கணிசமான அளவிற்கு அதிகரித்து இருக்கும்.

எண்டோடெலியல் செயலிழப்பு

அதிக உப்பு நுகர்வானது, ரத்த நாளங்களை நீர்த்துப் போகச்செய்து, அதன் சுருங்கும் திறனைக் கட்டுப்படுத்துகிறது. இதன்காரணமாக, எண்டோடெலியல் செயல்பாடானது முற்றிலும் தடைபடுகிறது. இது ரத்த அழுத்த மாறுபாடு மற்றும் கார்டியோ வாஸ்குலார்ப் பாதிப்பிற்கு வழிவகுக்கிறது.

நீண்டகால விளைவுகள்

நாள்பட்ட உயர் ரத்த அழுத்தம்

நீண்டகாலமாக, உணவில் அதிக உப்பைச் சேர்த்துக்கொண்டே வந்தால், அது நாள்பட்ட உயர் ரத்த அழுத்த பாதிப்பிற்கு வழிவகுத்துவிடும். இந்த நாள்பட்ட ஹைபர்டென்சன் பாதிப்பானது பக்கவாதம், இதய நோய்கள் மற்றும் கார்டியோ – வாஸ்குலார்ப் பாதிப்புகள் உருவாகக் காரணமாக அமைகின்றன.

இதய அழுத்தம்

உடலில் அதிக உப்பு சேர்ந்துகொண்டே போவதால், ரத்த அழுத்தம் கணிசமான அளவிற்கு அதிகரிக்கிறது. இந்த அதிகரித்த ரத்த அழுத்தமானது, இதயத்திற்குக் கூடுதல் சுமையை ஏற்படுத்துகிறது. இதயத்திற்குத் தொடர்ந்து அளிக்கப்படும் இந்தக் கூடுதல் அழுத்தமானது, இடது வெண்ட்ரிகுலார் ஹைபர்டிராபி பாதிப்பிற்கு வழிவகுக்கிறது. இந்தப் பாதிப்பானது, ஒருகட்டத்தில், இதயத்தின் செயல்பாட்டையே கேள்விக்குரியதாக்கி விடுகிறது.

பெருந்தமனி தடிப்புத் தோலழற்சி

அதிக உப்பு நுகர்வானது, பெருந்தமனி தடிப்புத் தோலழற்சி பாதிப்பிற்குக் காரணமாக அமைகிறது. கொழுப்புகள், தமனிகளில் படிந்து, ரத்த ஓட்டத்தைத் தடைசெய்கின்றன. இதன்காரணமாக, பக்கவாதம், புற தமனி நோய் உள்ளிட்ட பாதிப்புகள் ஏற்படுகின்றன.

சிறுநீரகப் பாதிப்பு

அதிகப்படியான உப்பு நுகர்வானது, உடலின் உறுப்புகளுக்குப் பணிச்சுமையை அதிகரிக்கச் செய்கிறது. இதன்மூலம் சிறுநீரகத்தின் செயல்பாடானது பாதிக்கப்பட்டு, சிறுநீரகச் செயலிழப்புக்கு வழிவகுக்கிறது.

உயர் ரத்த அழுத்த பாதிப்பைத் தவிர்க்க, முற்றிலுமாக உப்பைப் புறக்கணிக்க வேண்டும் என்ற அவசியமில்லை. உப்பு நுகர்வில், நாம் கட்டுப்பாட்டுடன் இருந்தாலே போதும் என்பதே மருத்துவ நிபுணர்களின் கருத்து ஆக உள்ளது. உப்பை நாம் முற்றிலும் புறக்கணிப்பதன் மூலம், பல விரும்பத்தகாத விளைவுகளை எதிர்கொள்ள நேரிடும் என்பதை நாம் மறந்துவிடக் கூடாது.

உப்பு சிறந்த எலக்ட்ரோலைட்டாக விளங்குகிறது. இது உடலின் திரவ அளவுகளைப் பேணிக்காக்கிறது, நரம்புகளின் செயல்பாட்டைத் துரிதப்படுத்துகிறது, தசைகள் சீராக இயங்க உதவுகிறது, இதயம் சுருங்கி விரிதலையும் சீராக்குகிறது.

மேலும் வாசிக்க : ஹைபர்டென்சன் பாதிப்பைக் கண்டறிய உதவும் சோதனைகள்

உப்பு உட்கொள்ளலைக் குறைப்பதற்கான குறிப்புகள்

உணவுப் பகுதிப்பொருட்கள் குறித்த விவரங்களைச் சேர்க்கும்போது, சோடியம் உள்ளடக்கத்தைத் தெரிவு செய்யவும். உணவுத்தொகுப்புகளில், உப்பின் மறைக்கப்பட்ட மூலங்கள் குறித்து எச்சரிக்கையாக இருப்பது நல்லது.

உணவின் சுவையை அதிகரிக்க, உப்பை நம்பாமல், புதிய பொருட்கள் மற்றும் மூலிகைகளின் பயன்பாட்டை அதிகரிக்கவும். நறுமண மற்றும் சுவையான உணவுகளுக்கு, மஞ்சள், கொத்தமல்லி, சீரகம் போன்ற மசாலாப் பொருட்களுக்குப் பரீட்சார்த்தம் செய்யவும்.

சோடியம் அதிகம் உள்ள பதப்படுத்தப்பட்ட மற்றும் பதிவு செய்யப்பட்ட உணவுகளை உட்கொள்வதைக் குறைத்துக் கொள்ளவும். அதற்குப் பதிலாகப் பழ வகைகள், காய்கறிகள் முழுத் தானியங்கள், மெலிந்த புரதங்கள் கொண்ட முழுமையான உணவுவகைகளைத் தெரிவு செய்யவும்.

உயர் ரத்த அழுத்த பாதிப்பைத் தவிர்க்க, குறைந்த உப்பு கொண்ட உணவுமுறையைப் பின்பற்றவும்.

அதிகப்படியான உப்பு இல்லாமல் உணவில் அதிகளவிலான பூண்டு, இஞ்சி, எலுமிச்சைச் சாறு போன்ற மாற்று சுவையூட்டல்களைச் சேர்க்கவும்.

மேற்குறிப்பிட்ட வழிமுறைகளைப் பின்பற்றி, உணவுவகைகளில் உப்பின் பயன்பாட்டைக் குறைத்து, ஹைபர்டென்சன் எனப்படும் உயர் ரத்த அழுத்த பாதிப்பிலிருந்து விடுபட்டு, ஆரோக்கியமான நல்வாழ்க்கை வாழ்வோமாக…