பெண்கள் மற்றும் இதய நோய்: அறிகுறிகளை அங்கீகரித்தல்

இதய நோய்ப் பாதிப்பைப் பெரும்பாலோர் ஆண்களுக்கான பிரச்சினை என்று நினைப்பர். ஆனால் இது முற்றிலும் தவறான கருத்தாகும். பெண்களும், இதய நோய்ப் பாதிப்பால் பெருமளவில் பாதிக்கப்படுகின்றனர்.

பெண்கள் மற்றும் இதய நோய்

பெண்களின் அதிகளவிலான இறப்புக்கு இதய நோய்ப்பாதிப்பு முக்கிய காரணமாக அமைந்து உள்ளது. வயது அதிகரிக்க, அதிகரிக்க இதய நோய்ப்பாதிப்பு ஏற்படும் அபாயமும் அதிகரிக்கிறது. நீரிழிவு நோய், புகைப்பிடித்தல், கருத்தடை மருந்துகளின் பயன்பாடு, வாழ்க்கைமுறை உள்ளிட்ட காரணிகளும், இதய நோய்ப் பாதிப்பிற்கு முக்கியப் பங்கு வகிக்கின்றன. இன்றைய நிலையில், இளைய தலைமுறையினருக்கும் அதிகளவில் இதய நோய்ப் பாதிப்பு வரும் சூழல் உள்ளது.

உணவுமுறை மற்றும் வாழ்க்கைமுறைகளில் மாற்றங்களை மேற்கொள்வதன் மூலம், இதய நோய்ப்பாதிப்பு வருவதைக் கூடுமானவரைத் தடுக்க இயலும்.

தனித்துவமான அறிகுறிகளை அங்கீகரித்தல்

மாரடைப்பு அபாயத்தின் எச்சரிக்கை அறிகுறிகளை முன்கூட்டியே கண்டறிவதன் மூலம், பாதிப்பை அதன் துவக்கத்திலேயே கட்டுப்படுத்த இயலும்.

உடலின் செயல்பாட்டிற்கு ரத்தம் மற்றும் ஆக்சிஜன் எவ்வளவு முக்கியமோ, அந்தளவிற்கு, இதயமும் மிகவும் முக்கியம் ஆகும். இதயத்தில் அடைப்புகள் எவ்வளவு அதிகமாக உள்ளதோ, அந்த அளவிற்குப் பாதிப்புகள் அதிகமாக இருக்கும். இது நாள்பட்ட பாதிப்பு மற்றும் மரணத்திற்கு வழிவகுப்பதாக உள்ளது.

பாரம்பரியம் அற்ற அறிகுறிகள்

இதய நோய்ப் பாதிப்பு ஆண், பெண் என இருபாலருக்கும் பொதுவானதுதான் என்றபோதிலும், ஆண்கள் அனைவரும் மார்பு வலியை உணர்வதுபோல, பெண்களில் 20 சதவீதத்தினர் நெஞ்சுவலியை அனுபவிப்பதில்லை. இதன்காரணமாக, அவர்கள் இதை உடல் சோர்வுக்கான அறிகுறிகள் என்று கருதக்கூடும்.

குமட்டல் உணர்வு

நெஞ்செரிச்சல் அல்லது அசவுகரியமான நிலை அல்லது இரைப்பையில் ஏற்படும் பாதிப்பின் காரணமாகவும் நிகழலாம். இவைக் குறைந்த அளவிலான தீவிரம் கொண்ட அறிகுறிகளாகக் கருதப்படுகின்றன.

உடல் வலி

கைகள், முதுகு, கழுத்து, தாடை மற்றும் வயிற்றுப்பகுதியில் வலி அல்லது அசௌகரியம் ஏற்படலாம்.

உறக்கக் குறைபாடுகள்

அதீத உடல் சோர்வு, இரவில் சுவாசிப்பதில் சிரமம் ஏற்படும். இதன்காரணமாக, ஆழ்ந்த மற்றும் தொடர்ச்சியான உறக்கம் இன்றிச் சிரமப்படும் சூழல் உண்டாகலாம்.

கைகளில் உணர்வின்மை மற்றும் அடிக்கடி தலைவலி ஏற்படுதல், இந்த அறிகுறிகள் மார்பு வலியுடன் இணைந்தும் ஏற்படலாம்.

உடல் செயல்பாடுகளின் போது ஏற்படும் நுட்பமான அறிகுறிகள்

இதய நோய்ப் பாதிப்பைக் கொண்ட பெண்கள், உடல் செயல்பாடு அல்லது உடற்பயிற்சிகளின் போது, மாரடைப்புக்கு உள்ளாகின்றனர்.

• மூச்சுத் திணறல்
• அதிக வியர்வை வெளியேறுதல்
• ஒழுங்கற்ற இதயத்துடிப்பு
• தலைச்சுற்றல் உணர்வு
• படபடப்பு

இந்த அறிகுறிகளில் ஏதேனும் ஒன்றை நீங்கள் உணரும்பட்சத்தில், உடல் உழைப்பைக் குறைப்பது நலம்பயக்கும். அறிகுறிகள் நீண்டகாலம் தொடரும்பட்சத்தில், மருத்துவ உதவியை நாடுவது முக்கியம் ஆகும்.

இதய அமைப்பு – பெண்களிடத்தில் எவ்வாறு வேறுபடுகிறது?

உடலில் காணப்படும் பாலினம் தொடர்பான வேறுபாடுகள், பெண்களிடத்தில் இதய நோய்ப்பாதிப்பை அதிகரிக்கச் செய்கின்றன.

பெண்களுக்கு ரத்த நாளங்கள், இதய அறைகள், வெண்ட்ரிக்கிள்கள் உள்ளிட்டவைச் சிறியதாகவும், வெல்லியதாகவும் உள்ளன.

பெண்களின் உடல் ரத்த ஓட்டத்தில், இயல்பாகவே ரத்த சிவப்பணுக்களின் எண்ணிக்கைக் குறைவாகவே உள்ளது. இதன்காரணமாக, உடலின் பல்வேறு பாகங்களுக்குச் செல்லும் ஆக்சிஜனின் அளவு கட்டுப்படுத்தப்படுகிறது.

பெண்களின் உயரம் மற்றும் உடல் நிலையில் ஏற்படும் மாற்றங்கள், குறைந்த ரத்த அழுத்த நிலைக்கு உட்படுத்தி, இதய நோய்ப் பாதிப்புகள் ஏற்படுவதற்குக் காரணமாக அமைகின்றன.

பெண்களுக்கு இதயப் பாதிப்பை ஏற்படுத்தவல்ல ஆபத்துக் காரணிகள்

உடல் பாதிப்புகள் அனைத்தும் பாலினம் சார்ந்தவை என அறுதியிட்டுக் கூறிவிட இயலாது. சமீபத்திய ஆராய்ச்சிகள், பெண்களுக்கு ஏற்படும் பாதிப்புகள் தொடர்பான நோயறிதலுக்கும், சில காரணிகளுக்கு இடையே குறிப்பிடத்தக்கத் தொடர்பு இருப்பதை வெளிக்காட்டுகிறது.

• அதிகக் கொழுப்பு
• நீரிழிவு நோய்ப்பாதிப்பு
• ஹைபர்டென்சன் எனப்படும் உயர் ரத்த அழுத்தம்
• மாதவிடாய் சுழற்சி நிறுத்தம்
• உடல் பருமன்
• போதிய உடற்பயிற்சி இல்லாத நிலை
• புகைப்பிடிக்கும் பழக்கம்
• கர்ப்பக் காலத்தில் ஏற்படும் உயர் ரத்த அழுத்தம்
• வாய்வழியாக உட்கொள்ளும் வகையிலான கருத்தடை மருந்துகள்
• PCOS எனப்படும் பாலிசிஸ்டிக் ஓவரி சிண்ட்ரோம்

மேற்குறிப்பிட்ட அறிகுறிகள் அனைத்தும், பெண்களின் இதய நோய்ப்பாதிப்பிற்கான அபாயத்தை அதிகரிக்கின்றன.

பெண்களுக்கு ஏற்படும் இதய நோய்ப்பாதிப்பு தொடர்பான விழிப்புணர்வு நிகழ்வானது, பாதிப்பைத் துவக்க நிலையிலேயே கண்டறிந்து, சிகிச்சை அளிக்க உதவுகிறது.

மேலும் வாசிக்க : அலாரம் பயன்படுத்துபவரா – இதை மிஸ் பண்ணாதீங்க!

இதய ஆரோக்கியம் குறித்து விழிப்புணர்வு பரிந்துரை

பெண்களுக்கு எப்போதும் இதய நோய்ப் பாதிப்பானது, முக்கியப் பிரச்சினையாகத் தெரிவது இல்லை. சர்வதேச அளவில், பெண்கள் அதிகளவில் இதய நோய்ப் பாதிப்பிற்கு உள்ளாகி வருகின்றனர். இந்தப் பிரச்சினையை எதிர்கொள்ளப் பெண்களுக்கு அதற்கான விழிப்புணர்வு உணர்வை ஏற்படுத்த வேண்டியது அவசியம் ஆகும்.

2014ஆம் ஆண்டு நவம்பர் மாதத்தில், பெண்களின் இதய நலனைப் போற்றும்விதமாகவும், இதய நோய் பாதிப்புகளுக்கான விழிப்புணர்வு, நடவடிக்கை மற்றும் உரிய ஆதரவை மேம்படுத்தும் வண்ணம், தேசிய அளவிலான பிரச்சாரத்தைத் தொடங்கியது.

இந்தத் தேசிய அளவிலான விழிப்புணர்வுத் திட்டம்,

இதய நோய்ப் பாதிப்புகளுக்கான காரணிகள், எச்சரிக்கைகள், அறிகுறிகள் குறித்து பெண்களுக்கு உணர்த்துதல்

பெண்களின் இதய ஆரோக்கியம் குறித்து மருத்துவர்கள் விளக்குதல்

இதய நலனுக்கு உகந்த ஆரோக்கியமான வாழ்க்கைமுறைகளை ஊக்குவித்தல்

வழக்கமான பரிசோதனைகள் மற்றும் மருத்துவர்ப் பங்களிப்பை ஊக்குவித்தல் உள்ளிட்ட நிகழ்வுகளில் கவனம் செலுத்துகிறது.

செய்ய வேண்டியவை

இதயத்துடிப்பு, மாதவிடாய் சுழற்சி, உறக்க முறைகள் உள்ளிட்ட மருத்துவ வரலாறு மற்றும் சோதனை முடிவுகளைக் கண்காணிக்கவும்.

• உங்கள் குடும்ப உறுப்பினர்களுக்கு, இதய நோய் வரலாறு இருப்பின், உங்களுக்கும் இதய நோய் ஏற்படும் அபாயம் அதிகமாக இருக்க வாய்ப்பு உள்ளது.
• உடல் எடை, உணவுமுறை மற்றும் உடற்பயிற்சி பழக்கவழக்கங்களை முறையாகக் கடைப்பிடிப்பதன் மூலம், உடல் ஆரோக்கியத்தை மேம்படுத்திக் கொள்ள இயலும்.
• நோய்ப் பாதிப்பின் அறிகுறிகளைக் கவனமாகக் கண்காணித்து வரவும். ஏதேனும் பிரச்சினைகள் தென்படும்பட்சத்தில், மருத்துவரைக் கலந்தாலோசித்து, இரண்டாவது கருத்தைப் பெற ஒருபோதும் தயக்கம் காட்ட வேண்டாம்.

.
மேற்கண்ட வழிமுறைகளைப் பின்பற்றி, இதய நோய்ப் பாதிப்பிற்கான அறிகுறிகளை முழுமையாக உணர்ந்து, இத்தகைய பாதிப்பில் இருந்து முழுமையான நிவாரணம் பெற உதவுவோமாக…